*گـُشی لائـِکـِن اللـّهـئ ناما مئ زبانا گال و گپّ*

*نـَئ که په نام و نشانا* 

*پڃـچ تاب وچۏࢣ و چـَپّ*

*سیاه و سـُهرڃـن ࢣـۏپ رڃـچـیت*

*سهب و بڃـگاه رۏچ و شپ*


*رنگ به رنگـڃن واب گندیت*

*رُپـْـتَه نـڃشـڃن رُپته دپ*

*مجلسئ شورای کاندید مردمانی گندگا*

*کۏࢣـُکـڃ ساپـڃـن پۏشیت لــَگــّی دیرا کــَنـدَگا*

*شیرکِنـڃن گپ و بَـࢣـک و درۏگ بَـندی سی تـُنی*

*چپ و راستا جـِکّ و لِکــَّنت لاگـَرڃـن صد تـُنی*

*شهر په شهر و مُلـْک په ملک گــُوانک جـَنت بیائـِت که من*

*الــَّـم و پـَکــّا وَکیلـُن پَر شما رڃـچـان تــُـمُن*

*یـڃ شمئ حَکّ و حسابا کــَئ چـَه تهران گــِپْت کــَن*

*کئ شـُمئ دلسۏز گین و ساه و جان و تن*

*من وت گــِندُن ڌَگاران مـُرتَـگــَن سبزڃن چمن*

*چۏرَه و مسکینئ دستا کم نایابـِن نــَـگــَن*

*اُ  مَنی بڃـل و یلان شَرّڃـن وَکلـیـڃ در چـِنـِت*

*چۏ مَنـڃن دانا وشڃـرڃ یَک بَـرڃ سرور کــَنـِت*
*من اگـَه تهران بـِنـِنــْدُن مکـُّران آباد بیت*

*پیشن و چهبار و لاشار؛ نرگس و شمشاد بیت*

*راسک و سرباز و پُشامَگ بــڃ حسابا داد بیت*

*پیرُکان بکشان پرادڃ بَلــُّـکـڃ آزاد بیت*

*شارَک و پارگ، کـَسِرکـَند شیرن و فرهاد بیت*

*گشت و ناهوک و سراوان ؛موشک و پهباد بیت*

*یـڃ گــَمُک تهران گِندیت نامی هـن گـَمداد بیت*

*دِلــُّـک نـِنــْدین مَه لندن واجَـهڃـن دلشاد بیت*

*کدخدا و رڃش کماشان من کـَنان تهران مدیر*

*حاجی و ملا و صوفی نفت ؛بهداشتئ وزیر*

*چاکرا و باران بیـبَگــْر دُرگـُل و دُرڃـن پَکیر*

*بالـِیا هر رۏ سوار بنت بانـَل شڃرڃن نظیر*

*گل بـِبی شهردار تهران کـُلدبلۏچ بَـنت خان و میر*

*شنبل و شاهی و نـُه ࢣـۏپ بَنــْت اروپاهَـئ سفیر*

*گـُـشی گیشتِر و واجه کــَرڃـچ و نورگـُل سُوالی کـَهیر*

*گۏن پژو پارسان تَــرَّنــْت نه گۏن سِـسْتالـڃن کــَࢣـیر*

*غم مـَکـَـنَـئ سالۏنکرو بانۏران چین و جاپانا بَــران*

*منگلیک و دُرّ والیگ پُـلـُّک و آرڃ گِران*

*سۏچَئ یـڃ لۏگان تگردی گــُه سیاهـِڃن نـَر هران*

*صد هزاران بنز و پـِراڌو مفت کارُن مکُّران*

*پول یارانه که چــِلـِّن من روان شَش لــَکّ بیت*

*غیر من هر کس وکیل بی؛ زندگی سَکّ سک بیت*

*من طلاهڃن پُهل بندان آهِنان نڃستِن دوام*

*جَــنـَّـتڃ سازان په رِندان دۏزَهـِڃ دیتِّش حرام*

*صد تَـبَـکـّڃن لۏگ بندان دَر کـُـزور و زابُلی*

*چانپ و آهوران کارُن شَیْه ملا کابلی*

*باز بنت و ملا و دکتر دُرۏگ بنیاد گار بیت*

*سُهر بَنت سیاهڃن کـُرۏس؛ماکیان سردار بیت*

*حک په حک دارا رَسیت بهت ما بیدار بیت*

*کس دگه بازی نَـوارت میر بلۏچ هُژّار بیت*

*آ  کدیمی دَور کایَـنت رند و لاشار یار بیت*

*چاکر و گـُوَهْرامَئ مردی بر زُبان تکرا بیت*

*دلجما بڃ جَن بـِنـِنــْدَنت دلجَما جن بسیار بیت*

*پَر جَنـڃن چُکـّان کـَسانڃن نوجوان کـَـتّار بیت*

*من اگه باندا وکیل بان باندا پۏشی اور و هار بیت*

*جَمبرئ ساهڃلَئ چـڃرا شاتـُلان کوکـّار بیت*